ДАТЫ
7 июля
ИСТОРИЧЕСКОЕ СОДЕРЖАНИЕ
Когда Незаходимое Солнце правды – Спаситель наш восхотел воссиять миру и уже преклонил небеса и вселился в чистейшую девическую утробу, в это самое время должно было совершиться от неплодной рождение денницы Его – святого Иоанна Предтечи: ему, как провозвестнику, надлежало предшествовать явлению Господа, проповедуя и говоря: «идет за мною Сильнейший меня» (Мк.1:7).
И вот, когда исполнилось святой Елизавете время родить, она родила сына в старости своей, от заматоревшей утробы, как в древнейшие времена родила Сарра Исаака. Так одно чудо предваряет другое: прежде чем Дева рождает Христа, заматоревшая во днях своих рождает Предтечу Христова, чтобы видевшие сверхъестественное рождение от состарившейся, поверили и преестественному рождению от небрачной девицы и сказали себе: «всемогущая Десница Божия, разрешившая неплодство старицы, сильна и нетленную Деву соделать чистою Матерью». Потому-то чудесному рождению Спасителя мира предшествует чудесное рождение Предтечи. Этому надлежало быть для того, чтобы одним чудом приготовить мир к восприятию другого чуда: увидев матерь, заматорелую во днях своих, люди становились более способными к лицезрению Приснодевы, родившей Сына; сделавшись свидетелями дивного рождения от престарелой Елисаветы, они приуготовлялись к вести о «странном» рождении Христа от Девы. Ибо в том и другом событии, по воле Всемогущего Бога, Коему повинуется всякое естество, «чин рождения препобедил естества уставы»[1].
Когда Елисавета родила Предтечу Христова, то все ее сродники, соседи и знакомые, услышав об этом рождении, радовались вместе с нею, потому что Господь соделал ей великую милость – отнял у нее «поношение бесчадства». Так исполнились слова благовестника Божия архангела Гавриила, который говорил Захарии: «жена твоя Елисавета родит тебе сына, и многие о рождении его возрадуются» (Лк.1:13-14). Тогда радовались как сродники Захарии, так и те, кто исполнен был пламенного ожидания Мессии Избавителя. Ибо хотя они и не знали о совершившейся уже тайне воплощения Сына Божия, однако дух их, окрыляемый под воздействием Духа Святого самым событием рождения Предтечи, таинственно подвигнут был на радость, и они увидели в этом событии как бы некоторое уверение в том, что дождутся чаемого Мессии.
В 8 день по рождении Предтечи пришли священники и родственники Захарии в дом его для участия в обряде обрезания младенца; при этом они хотели назвать его именем отца – Захариею. Но мать младенца не соглашалась на то; имея мужа-пророка и родивши пророка-сына, святая Елисавета была и сама исполнена пророческого дара и по пророческому предведению настаивала, чтобы ее сына нарекли тем именем, которым повелел наречь его ангел: от своего мужа она не могла слышать об этом, – ибо Захария возвратился из храма в дом свой, имея как бы связанный язык, и не мог рассказать своей супруге, что он видел ангела, который благовестил ему о зачатии сына и повелел при этом наречь ему имя Иоанн. Итак, наставляемая Духом Святым, святая матерь называет младенца Иоанном – пророчески, как она и прежде пророчески познала пришествие к ней Матери Божией, когда говорила: «И откуда это мне, что пришла Матерь Господа моего ко мне?» (Лк.1:43). Тогда священники и родственники стали знаками вопрошать Захарию, как бы он хотел назвать младенца. Тот испросил дощечку и на ней написал: «Иоанн имя ему» (Лк.1:63). И тотчас же отверзлись уста Захарии и язык его разрешился от уз немоты, и он стал говорить, прославляя Бога. Все дивились столь многим чудесам, которых свидетелями они были, – изумлялись и тому, что состарившаяся родила младенца, и тому, что немотствовавший отец мыслил о имени сына одинаково с матерью, и тому, что немой, по написании имени, стал говорить и написанное рукой произнес языком, – как будто имя Иоанна было ключом для уст отца, которые, после написания Захариею этого имени, отверзлись для прославления Бога. Слушая речи Захарии, все дивились и ужасались еще более и поведали о всём виденном и слышанном во всей горней стране иудейской, то есть в пределах священного города Хеврона[2], в котором был дом Захарии.
Город этот с его пределами, еще во дни Иисуса Навина, отделен был священническому племени Аарона. От Иерусалима он отстоял на расстоянии 8-ми часов пути и был расположен немного дальше Вифлеема на возвышенном месте. «Горним градом» он назывался из-за высоких гор, на которых он был расположен; при этом пределы его носили название «горней страны», как о том написано в Евангельском повествовании о путешествии Пресвятой Богородицы к ее родственнице Елисавете: «Встав же Мария во дни сии(из Назарета Галилейского), с поспешностью пошла в нагорную страну, в город Иудин, т.е. в Хеврон, и вошла в дом Захарии, и приветствовала Елисавету» (Лк.1:39-40).
Таким образом, здесь-то в Хевроне, в горнем граде колена Иудова, посреди нагорной страны, и происходили все те изумительные и чудесные события, о которых было говорено выше. И все слышавшие об этих событиях много дивились и с недоумением думали: «что будет младенец сей?» (Лк.1:66).
И рука Господня была с новорожденным отроком, умножающая в нем действие благодати Божией и соблюдающая его от меча Ирода. Ибо о чудесном рождении Иоанна дошел слух и до Ирода, и он много дивился ему, говоря в себе «что будет младенец сей!» Когда же родился Господь наш Иисус Христос в Вифлееме иудейском и с востока пришли волхвы[3] и расспрашивали о новорожденном Царе иудейском, тогда Ирод, послав в Вифлеем воинов, с повелением избить там всех детей мужского пола, – вспомнил и о Иоанне, сыне Захарии, о котором он слышал много чудесного, и стал размышлять: «не он ли будущий царь иудейский». Поэтому, терзаясь злобою, он задумал убить и его, и с этою целью нарочито послал убийц в Хеврон, в дом Захарии. Однако посланные не нашли святого Иоанна.
Когда начались в Вифлееме безбожные убийства детей, то глас и вопль, бывший в Вифлееме, дошел и до Хеврона, отстоявшего от города Давидова в недалеком расстоянии; при этом здесь узнали и о причине бывшего в Вифлееме плача. Святая Елисавета, взяв отрока Иоанна, тотчас же поспешно отправилась в высочайшие горы пустыни ( в это время святой Захария находился в Иерусалиме, исполняя прилучившуюся чреду служения своего). Сокрывшись в горах, святая Елисавета со слезами молилась Богу, прося Его защитить ее с отроком. И когда, с высоты гор, она увидела приближающихся воинов, то возопила, обратившись к каменной скале:
– Гора Божия! приими матерь с чадом!
И тотчас расступилась гора, приняла Елисавету с отроком Иоанном внутрь и, таким образом, скрыла их от настигавших убийц. Так воины, не найдя искомого, возвратились к пославшему их с пустыми руками. Тогда Ирод послал в храм к Захарии оруженосца своего сказать ему «отдай мне сына твоего».
Святой Захария ответил:
– Я служу теперь Господу Богу Израилеву, а где в настоящее время сын мой, – того не знаю.
Ирод сильно разгневался и снова послал к Захарии оруженосца сказать ему, что если он не выдаст сына, то умрет сам. И пришли к нему воины, свирепые, как звери, готовые совершить повеление беззаконного царя, и с яростью говорили священнику Божию:
– Где ты скрыл своего сына? Выдай нам его, ибо царь приказал нам тотчас же убить тебя, если ты не выдашь нам сына своего.
Захария на это мужественно ответил:
– Вы убьете тело мое, Господь же примет мою душу.
И тотчас убийцы, исполняя беззаконное повеление, устремились с яростью на святого и убили его между церковью и алтарем (Мф.23:35). Пролитая кровь его впитавшись осталась на мраморе и сделалась как камень, во свидетельство преступления Ирода и его вечного осуждения.
Между тем Елисавета, сокрытая Богом вместе с Иоанном, пребывала в расступившейся горе. В ней, по Божьему повелению, образовалась для них пещера; вблизи нее явился источник и выросла финиковая пальма, полная плодов. Всякий раз, как наступало время принятия пищи, дерево преклонялось, – когда же они насыщались плодами, снова выпрямлялось. По прошествии 40 дней после убиения Захарии, святая Елисавета преставилась в упомянутой пещере. С того времени святой Иоанн питаем был ангелом до своего совершеннолетия, хранимый до дня явления своего Израильскому народу. Так хранила и покрывала рука Божия святого Иоанна, да предъидет он пред лицом Господним, духом и силою Илииною, и уготовит путь Ему, грядущему спасти род человеческий. За всё сие да славится Христос, Бог и Спас наш, со Отцем и Святым Духом во веки. Аминь.
святитель Димитрий Ростовский
Примечания
[1] Выражение взято из богородичного догматика.
[2] Хеврон (называемый теперь у арабов Ель-Халиль), – город, расположенный на юге Палестины, один из самых древнейших городов Азии. Он был известен как древний город еще во времена Авраама и, по известию Флавия (историк иудейский, живший в начале христианской эры), около его времени ему считалось уже 2300 лет. Город издавна считался у евреев священным, так как в нем находятся гробницы Авраама и Сарры, Исаака и Ревекки, Иакова и Лии. Во дни Константина Великого над погребальною пещерою Авраама была воздвигнута церковь, которая обращена мусульманами в мечеть. Самый город лежит на высоте на тысячу футов выше Иерусалима, в глубокой и узкой долине, с обеих сторон окруженной горами. Вся долина и склоны гор заняты садами, – масличными, фиговыми, абрикосовыми, гранатовыми и виноградными. В настоящее время город имеет до 10000 жителей, которые занимаются здесь выделыванием стекла, хлебопашеством, разведением фруктовых садов и виноделием.
[3] Под именем волхвов в древности разумелись люди мудрые, обладавшие знанием тайных сил природы, светил небесных и т.п. Волхвы, приходившие на поклонение Христу, по видимому, были из Персии. Они были астрологи, т.е. служили звездам и занимались наблюдением за светилами небесными. Очевидно, они были при этом люди добродетельные, почему и удостоились особенных откровений Божиих.
* * *
О пророке Иоанне Крестителе Господь Иисус Христос сказал: «Из рожденных женами не восставал (пророк) больший Иоанна Крестителя» (Мф.11:11). Иоанн Креститель прославляется Церковью, как «ангел, и апостол, и мученик, и пророк, и свечник, и друг Христов, и пророков печать, и ходатай ветхой и новой благодати, и в рожденных пречестнейший, и светлый Слова глас».
Как повествует Евангелие (Лк.1:57-80), праведные родители святого Иоанна Крестителя – священник Захария и Елисавета, жившие в древнем городе Хевроне, достигли старости, но не имели детей, так как Елисавета была неплодна. Однажды святой Захария совершал богослужение в Иерусалимском храме и увидел Архангела Гавриила, стоящего по правую сторону жертвенника кадильного. Он предсказал, что у Захарии родится сын, который будет провозвестником ожидаемого Ветхозаветной Церковью Спасителя – Мессии. Захария смутился, на него напал страх. Он усомнился, что в старости возможно иметь сына, и просил знамения. Оно было дано ему, являясь одновременно и наказанием за неверие: Захария был поражен немотой до времени исполнения слов Архангела.
Святая Елисавета зачала и, боясь насмешек над поздней беременностью, таилась пять месяцев, пока ее не посетила приходившаяся ей дальней родственницей Преблагословенная Дева Мария, чтобы разделить Свою и ее радость. Елисавета, исполнившись Святого Духа, первая приветствовала Деву Марию как Матерь Божию. Вместе с ней Пресвятую Деву Марию и воплотившегося в Ней Сына Божия приветствовал «играньми, яко песньми» и святой Иоанн, еще находившийся в утробе матери своей, праведной Елисаветы.
Настало время и святая Елисавета родила сына, все родственники и друзья радовались вместе с ней. На восьмой день, по закону Моисееву, совершилось его обрезание. Мать назвала его Иоанном. Все были удивлены, так как никто в их роде не носил этого имени. Когда спросили об этом святого Захарию, он попросил дощечку и написал на ней: «Иоанн имя ему» – и тотчас связывавшие по предсказанию Архангела его речь узы разрешились, и святой Захария, исполнившись Духа Святого, прославил Бога и произнес пророческие слова о явившемся в мир Мессии и о своем сыне Иоанне – Предтече Господа.
После Рождества Господа нашего Иисуса Христа и поклонения пастырей и волхвов нечестивый царь Ирод повелел убить всех младенцев. Услышав об этом, святая Елисавета убежала со своим сыном в пустыню и скрывалась в пещере. Святой Захария как священник находился в Иерусалиме и исполнял свое священническое служение в храме. Ирод послал к нему воинов с приказанием открыть местопребывание младенца Иоанна и его матери. Захария ответил, что это ему неизвестно, и был убит прямо в храме. Праведная Елисавета с сыном продолжала жить в пустыне и там умерла. Отрок Иоанн, охраняемый Ангелом, находился в пустыне до того времени, как вышел на проповедь о покаянии и сам сподобился крестить пришедшего в мир Господа.
Пророк Иоанн Креститель – после Девы Марии самый чтимый святой. В его честь установлены следующие праздники (по новому стилю):
6 октября – зачатие,
7 июля – рождество,
11 сентября – усекновение главы,
20 января – Собор Иоанна Крестителя в связи с праздником Крещения,
9 марта – первое и второе обретение его главы,
7 июня – третье обретение его главы,
25 октября – праздник перенесения его десницы (правой руки) с Мальты в Гатчину.
МОЛИТВЫ
Тропарь Рождеству Иоанна Предтечи, глас 4
Проро́че и Предте́че прише́ствия Христо́ва,/ досто́йно восхвали́ти тя недоуме́ем мы, любо́вию чту́щии тя:/ непло́дство бо ро́ждшия и о́тчее безгла́сие разреши́ся/ сла́вным и честны́м твои́м рождество́м,// и воплоще́ние Сы́на Бо́жия ми́рови пропове́дуется.
Перевод: Пророк и Предтеча пришествия Христова, достойно восхвалить тебя не можем мы, с любовью почитая тебя; ибо бесплодие родившей и немота отца окончились славным и священным твоим рождеством, и воплощение Сына Божия миру возвещается.
Кондак Рождеству Иоанна Предтечи, глас 3
Пре́жде непло́ды, днесь Христо́ва Предте́чу ражда́ет,/ и той есть исполне́ние вся́каго проро́чества:/ Его́же бо проро́цы пропове́даша,/ на Сего́ во Иорда́не ру́ку положи́в,// яви́ся Бо́жия Сло́ва проро́к, пропове́дник вку́пе и Предте́ча.
Перевод: Прежде неплодная в сей день Христова Предтечу рождает, и он – исполнение всякого пророчества. Ибо на Того, Кого пророки предвозвестили, он, во Иордане руку возложив, явился Слова Божия пророком, провозвестником и вместе – Предтечей.
Величание Рождеству Иоанна Предтечи
Велича́ем тя, Предте́че Спа́сов Иоа́нне, и чтим е́же от непло́дове пресла́вное рождество́ твое́.
Молитва Предтече и Крестителю Господню Иоанну
Святы́й Предте́че и Крести́телю Христо́в Иоа́нне! Пропове́дник сы́й покая́ния, ка́ющихся не пре́зри на́с, но моли́ся ко Влады́це Христу́ за на́с, недосто́йных рабо́в, уны́лых, немощны́х, во мно́гия грехи́ впа́дших. Сме́рти у́бо ча́ем, о гресе́х же на́ших николи́же поболе́хом и о Ца́рствии Небе́снем не попеко́хомся: но не пре́зри на́с, Крести́телю Христо́в, честны́й Предте́че, бо́лий рожде́нных все́х, по́стником и пусты́нником наста́вниче, чистоты́ учи́телю и бли́жний дру́же Христо́в. Тя мо́лим, к тебе́ прибега́ем: не отри́ни на́с, прося́щих твоего́ заступле́ния, обнови́ ду́ши на́ша покая́нием, е́же е́сть второ́е креще́ние: твои́м хода́тайством пре́д Го́сподем испроси́ на́м очище́ние грехо́в. Уста́ недосто́йная вопию́т к тебе́, и душа́ смире́нная мо́лится, се́рдце сокруше́нное из глубины́ воздыха́ет: простри́ пречи́стую твою́ десни́цу и защити́ на́с от вра́г ви́димых и неви́димых. Ей, Го́споди Иису́се Христе́! Моли́твами свята́го Иоа́нна Крести́теля Твоего́, изря́днее же Пречи́стыя Твоея́ Ма́тери, Влады́чицы на́шея Богоро́дицы, спаси́ на́с, гре́шных рабо́в Твои́х, ка́ющихся о гресе́х. Ты́ бо еси́ Бо́г ка́ющихся, и на Тя́, Спаси́теля, возлага́ем наде́жду, сла́вяще Пресвято́е и́мя Твое́, со Безнача́льным Твои́м Отце́м, и со Пресвяты́м и Благи́м и Животворя́щим Твои́м Ду́хом, ны́не и при́сно и во ве́ки веко́в. Ами́нь.
КАНОНЫ И АКАФИСТЫ
КАНОН НА РОЖДЕСТВО ПРЕДТЕЧИ И КРЕСТИТЕЛЯ ГОСПОДНЯ ИОАННА
Песнь 1
Ирмос: Тристаты крепкия, Рождейся от Девы, безстрастия во глубине души тричастное потопи, молюся, да Тебе, яко в тимпане, во умерщвлении телесе победное воспою пение.
Яко утро благолепно, Солнца предтекий, неплодныя прозябение проповедает яве Девы Рождество, всей ныне вселенней сияет концем просвещение благочестия и благодати.
Пророк Вышняго истинно наречешися, предъидеши бо пред лицем Христа, — вопиет тебе, сыну, Иоанне прехвальне, Духом Захария Пресвятым носим, — путь уготовати Зиждителю.
Глаголы Гавриила Захария слышав, вещания Божественнаго, явися непокорив, и молчанием осуждается, решится же внезапу от сего: глас бо родися Слова, Иоанн Предтеча.
Богородичен: Град Божий, Всецаря Богоприятное селение, сокровище честное, Богородице Пренепорочная, сохрани достояние Твое, присно восхваляющее Тя и чтущее верою Рождество Твое.
Песнь 3
Ирмос: Не мудростию, и силою, и богатством хвалимся, но Тобою, Отчею Ипостасною Мудростию, Христе: несть бо свят, паче Тебе, Человеколюбче.
Владычне убо от Девы совершается рождение, но раба, любезна от старицы и неплодныя матере: в лепоту предтичет убо чудо чудеси.
Старица и неплоды Деву Матерь лобзает, познавши неложно Сея Рождество, яко разрешися соуз неплодства Божественным хотением.
Богородичен: Неискусобрачно Бога воплощенна рождши, страстей прилоги обуреваемаго мя утверди: несть бо, Пречистая, разве Тебе помощницы.
Седален, глас 8
Захариин глас светло разреши Словесе глас рождься, Предтеча, и закона неплодие всем показа, зовый: покайтеся, сущии на земли, се бо прииде и явися Иисус, вся хотя избавити от первыя клятвы, просвещая Крещением. Воистину чудо преславно!
Песнь 4
Ирмос: Седяй в славе на Престоле Божества во облаце легце, прииде Иисус Пребожественный Нетленною Дланию и спасе зовущия: слава, Христе, силе Твоей.
Таин неизреченных предходит таинство новосечением законоположения естественнаго, болезни разрешение провозвещающи, исправление сея, Христе, и обожение.
Исаия от Отца Сыну пророчествова, воплотитися хотящему: Ангела земнородна равноангельна се Аз посылаю пред лицем Твоим, зовуща: слава, Христе, силе Твоей.
Служити, яко раб Владыце, родихся: на се бо приидох, Сего возвестити пришествие, яко да Девы Рождество предуверит, преславно неплодствующая старица прозябши.
Богородичен: Святая Богородица, в Нюже вселитися благоизволи, яко во благовонен дом, Слово Отчее Пребожественное, не растлеся утробою, ни поболе, ибо роди Еммануила, Бога и Человека.
Песнь 5
Ирмос: Ныне востану, пророчески рече Бог, ныне прославлюся, ныне вознесуся, падшаго прием от Девы и к свету умному возносяй Моего Божества.
Земля израсти всеистинна проповедника, гласа, всем проповедающа языком Духа, Девы Сына, Правду, с Небесе на нас приничущую вещию телесною.
Положи Господь всеистинна светильника тя Христова, вся просвещающаго, едины одевающа враждующия Ему, яко ризою, в студ, неложно Божия Слова Сына проповедающа.
Веселится вся тварь твоим рождеством, Божественне: ты бо землен Ангел, Предтече, и Небесный человек показался еси, Небеснаго Бога провозвещая нам воплощенна.
Богородичен: От Тебе раждается от Отца Сый, с Тобою присно, Слово присносущное и нераздельное, яко Сын Единородный, и напоследок от Девы Тойже от Святаго воплощается Духа.
Песнь 6
Ирмос: Приидох во глубины морския, и потопила мя есть буря многих грехов, но, яко Бог, из глубины возведи живот мой, Многомилостиве.
Бога Слова познал еси, яко пророк, в матерней утробе, и, сея языка употребив, богословиши в темне чертозе, обожаемь Светом Неприступным.
Немолчно, яко глас вопиющаго, Избавителя мира, Крестителю, моля не престай душевное разрешити неплодие поющих твое рождество.
Богородичен: Неприступнаго Божества селение, Чистая, Твоя утроба явися, о, Богородице, на нюже без боязни Небеснии чинове взирати не могут.
Кондак, глас 3
Прежде неплоды днесь Христова Предтечу раждает, и той есть исполнение всякаго пророчества: Егоже бо пророцы проповедаша, на Сего во Иордане руку положив, явися Божия Слова пророк, проповедник, вкупе и Предтеча.
Икос
Восхвалим ныне Господня Предтечу, егоже священнику Елисаветь роди из ложесн неплодных, но не без семене: Христос бо един вместилище пройде непроходимо без семене. Иоанна неплоды роди, без мужа же сего не роди, Иисуса же, осенением Отца и Духа Божия, Дева роди Чистая. Но Безсеменному явися от неплодныя пророк и проповедник, вкупе и Предтеча.
Песнь 7
Ирмос: Юноши три в Вавилоне, веление мучителево на буйство преложше, посреде пламене вопияху: благословен еси, Господи, Боже отец наших.
Бяше первее во мраце всяко земнородных естество, о, Предтече, но утро, вопия, явился еси: благословен еси, Господи, Боже отец наших.
Недуговавшее исцели естество все, славное от неплодныя твое рождество, научившее, Предтече, пети: благословен еси, Господи, Боже отец наших.
Родился еси, Предтече, от неплодныя, прииде бо всеистинно, закону неплодствующу, благодать, Христу поющи: благословен еси, Господи, Боже отец наших.
Богородичен: Дево Благословенная, моли о нас, молящих Тя, на Тя бо уповаем вси и Тебе вопием: Владычице, не презри рабов Твоих.
Песнь 8
Ирмос: Избавителю всех Всесильне, посреде пламене благочествовавшия, снизшед, оросил еси и научил еси пети: вся дела, благословите, пойте Господа.
Законоположник раб бяше Моисей, Иисус же — Бог Завета Новаго, ныне же обоих Предтеча поет, яко ходатай: вся дела, благословите Господня Господа.
От пуста чрева горлица прииде, яко богосажденная дубрава, ныне принесе Церкви Предтечу Христова и воспевает: вся дела, благословите Господня Господа.
Богоноснии людие, язык свят, горлице Христовей уподобитеся и медоточно воспойте, в целомудрии живуще: вся дела, благословите Господня Господа.
Троичен: Тричисленным светом озаряеми, Несозданное Единое Божество, немолчными усты православно вопиюще, почтим: вся дела, благословите Господня Господа.
Песнь 9
Ирмос: Сокровенное Божие неизреченное в Тебе совершается явственное таинство, Дево Пречистая, ибо Бог из Тебе воплотися за милосердие. Темже Тя яко Богородицу величаем.
Се глас Предтечи неплодным и пустым предста сердцам вопиющ: путь Христов ныне уготовите, яко во славе грядет, Емуже повинующеся, величаем.
Якоже древле Духом Пресвятым яве проповедал еси Сына, Предтече, Агнца Божия, мира вземлющаго грехи, стаду твоему согрешений разрешение испроси.
Единицу Тричисленную, Троицу Единосущную, православно поюще, вернии, прославим, богодетельне нас озаряющую и светлостьми незаходимаго света исполняющую души наша.
Богородичен: Всеми владычествующая творении, людем Твоим даруй победу одоления, непокориваго подложи под нозе воинству: да Тя яко Богородицу величаем.
Светилен
Предтечево днесь радостотворное рождение сетование решит отча безгласия и рождшия неплодство, возвещает же настоящую радость и веселие. Темже и вся тварь светло тое празднует.
КАНОН НА РОЖДЕСТВО ПРЕДТЕЧИ И КРЕСТИТЕЛЯ ГОСПОДНЯ ИОАННА (2-Й)
Песнь 1
Ирмос: Наставльшему древле Израиля, бежащаго от работы фараоновы, и в пустыни питавшему, поим Избавителю, Богу нашему, яко прославися.
Молчание старчо законнаго писания образ носит таин. Ибо, пришедши благодати, Моисей умолча: подобаше бо, премудрости сокровищу явльшуся, всем молчати.
В церкви кадящу священнику, Ангел предста свыше, вопия: странна рождества благовестие, приидох, тебе нося, старче: приимеши бо от неплодове рождения плод, Крестителя Христова.
Что удивился еси, старче? Что, не веруя, стоиши, глаголющему тебе сия? Ангел бо есть вещаяй, аще и образ носит человеч. Буди нем убо на время, даже до рождества Слова гласа.
Иже молчание Захариино, молчания положив образ закону написанному и тем показав ми покаяния проповедника зовуща, гласа вопиющаго подавает, неплодствующей сына.
О, преславных вещей Христова Предтечи! Иже, прежде пелен познав пленицы наша Разрешшаго и народы Освящша, днесь, от Елисавети родився, разрешает отцу глас.
Богородичен: Тя, Божие вместилище и мысленную лествицу, еюже сниде Бог и, воображся, наше убо существо на Небеса возведе, вси яко спасению Ходатаицу восхваляем.
Песнь 3
Ирмос: Утверждаяй гром и созидаяй дух, утверди мене, Господи, да Тя пою истинно и творю волю Твою, яко несть свят, яко Ты, Боже наш.
Елисавет, прежде неплоды сущи, Христе, Церковь Твою проображаше, яже от язык, и, рождши преславно, паки показует многочадну неплоды явльшуюся иногда.
Пути убо исправль Господни, стезю проуготовав, покаяния же плоды показал еси человеком и жизненному научил еси пути, пророче и проповедниче Христов.
Елисаветь, днесь играющи, носит тя, Предтече, на объятиях состаревшихся и вопиет, хвалящися: несть свят, якоже Ты, Господи Боже наш.
Богородичен: Праотцев разрешила еси печаль, радость нам рождшая, Животодавца и Избавителя, Егоже, Пречистая Богородице, прилежно моли спастися стаду Твоему.
Седален, глас 8
Захариин глас светло разреши Словесе глас рождься, Предтеча, и закона неплодие всем показа, зовый: покайтеся, сущии на земли, се бо прииде и явися Иисус, вся хотя избавити от первыя клятвы, просвещая Крещением. Воистину чудо преславно!
Песнь 4
Ирмос: Услышах славное смотрение Твое, Христе Боже, яко родился еси от Девы, да от лести избавиши зовущия: слава силе Твоей, Господи.
Покаяние отверзеся твоим рождеством, Предтече и проповедниче. Ты бо един проповедал еси, взывая: покайтеся, Царство Небесное приближися.
Девство утверждается и целомудрие торжествует, пустыня веселится и мир празднует рождеством твоим, Предтече.
Елисаветь радуется, и Захария вещает паки: оба убо обновляются по старости Иоанновым абие гласом и просвещаются.
Богородичен: Неопалимую купину Тя законоположник зряще древле, Даниил же гору святую смотряше, едина Мати Дево, Владычице.
Песнь 5
Ирмос: Возсияй ми, Господи, свет повелений Твоих, яко к Тебе дух мой утренюет и поет Тя: Ты бо еси Бог наш, и к Тебе прибегаю, Царю мира.
Звезду проуготовал еси, Правды Солнце, Крестителя Твоего Иоанна, от обещания рожденнаго днесь и рождшаго разрешша глас.
Не вещай, не сопротив глаголи, старче освященне, Гавриил бо глаголет ти, первый во Архангелех, Божия таинства и еже к нам Того снитие сказуя.
Старче, не неверуй, Бог бо обещавает, яко в старости родиши сына, егоже о рождестве мнози возрадуются, той бо приидет силою Илииною.
Пророче, проповедниче, Предтече, еже от неплоды прозябение, возвестителю покаяния, пустынное овча, Света светильниче, о всех моли, чтущих тя верно.
Богородичен: Яко дверь непроходиму, и купину неопалиму, и несекому гору, от неяже камень усечеся, Иже из Тебе воплощаемый, воспеваем, Владычице, Мати всех Творца.
Песнь 6
Ирмос: Буря мя помышлений, постигши, во глубину низвлачит мя безмерных грехов, но Ты, Управителю Благий, предварив, управи, яко пророка, и спаси мя.
Днесь пустынный гражданин Иоанн раждается, покаяния проповедник и благодати свидетель истинен, Предтеча Слова и Свету предсияющая звезда.
Днесь секира, исковавшися, посечение предлагает душам неплодия, и насаждает плоды добродетельныя, предыдет твердо в рождестве твоем, Предтече.
Возрадовася Иордан преславно и играет, научаяся, Иоанна слыша, от неплодна рождена чрева, море же ликует водными игрании.
Светильник, Света пришествие предтек, проповеда Агнца Божия, Спаса, свет возсиявшаго земли, естества же всего духовне преджрена.
Богородичен: Бездну милости рождшая, страстей моих бездну пучиною щедрот Твоих потопивши, тучу от души подаждь ми слез, Богородительнице Всенепорочная.
Кондак, глас 3
Прежде неплоды днесь Христова Предтечу раждает, и той есть исполнение всякаго пророчества: Егоже бо пророцы проповедаша, на Сего во Иордане руку положив, явися Божия Слова пророк, проповедник, вкупе и Предтеча.
Икос
Восхвалим ныне Господня Предтечу, егоже священнику Елисаветь роди из ложесн неплодных, но не без семене: Христос бо един вместилище пройде непроходимо без семене. Иоанна неплоды роди, без мужа же сего не роди, Иисуса же, осенением Отца и Духа Божия, Дева роди Чистая. Но Безсеменному явися от неплодныя пророк и проповедник, вкупе и Предтеча.
Песнь 7
Ирмос: В пещи авраамстии отроцы персидстей, любовию благочестия паче, нежели пламенем, опаляеми, взываху: благословен еси в храме славы Твоея, Господи.
Захария, умолчав на время, возвести молчание писанием и, паки провещав, рождеством твоим, Предтече, Духа благодать возвещает преславно.
Церкви подобится неплоды безчадная, Елисаветь всечестная, яже первее убо сущи требами и скварами очернена, ныне же хвалящися и добротою и рождением.
Предтечи рождеством острится днесь секира духовная, еюже вся посекаются страстей взыграния, тайно же процветают плоды покаяния.
Яко ветхаго и новаго ходатая тя, Предтече, и стези исправляюща Христовы, очищающаго согрешений гумно духовною лопатою, почитаем, Иоанне.
Иже пред Солнцем текшаго, Христом Богом нашим, Иоанна славнаго, яко звезду, Предтечу и покаяния проповедника воспоем вси, от неплодныя прошедшаго.
Богородичен: Во чрево Твое, Дево, безсеменно всельшася, и рождшася за неизреченное и конечное смирение, и нас ради Обнищавшаго о всех молити не престай, Богородице.
Песнь 8
Ирмос: Всяческая, Владыко, премудростию Твоею составил еси, земли же паки утвердил еси, якоже веси, дно, основанием водрузивый на водах безмерных. Тем вси вопием, воспевающе: благословите, дела Господня, непрестанно Господа.
Познал еси, Предтече, Емуже поклонился еси прежде рождества и прежде пелен твоих, Христа Жизнодавца, и взыграньми показал еси Сего, Господа Твоего нарек, взаим взем матерний язык к пению Христа, Бога нашего.
Концы днесь вселенстии предпразднуют, радуются Ангели и дуси праведных, живущии веселятся, умершии же паки, Иоанну рождшуся, приемше им проповедь всех Спаса Господа.
Подобяся днесь Иоанну, Иордан мокрыми быстринами играше преславно, слыша раждаема равноангельнаго житием от старицы неплодны, исправляющаго пути и стези Господни и мир крестившаго.
Начерта днесь Захария на дсце имя богонареченное пророка и Предтечи, молча же воззва: Иоанн да наречется рождейся мне на старость. Подобно есть от обещания рождшемуся странное звание.
Богородичен: Крепко утешение и непостыдну надежду, стену необориму и Божественно предстательство людие Твои имут Тя, иже Тя славят, Дево, и, спасаеми, зовут прилежно: благословите, вся дела Господня, непрестанно Господа.
Песнь 9
Ирмос: Яко сотвори Мне величия Сильный, и свято Имя Его, и милость Его в род и род боящимся Его.
В тебе великое се и преславное Бог сотвори знамение, священниче: по старости бо сына и по умерщвлении удов раждаеши Предтечу.
Да слышат неплоды и да воспоют Бога, се бо Елисаветь вопиет: по старости сына и по умерщвлении удов раждаю Предтечу.
Веселися, Захарие, и радуйся ныне о Бозе: се бо Елисаветь сосцы питает по старости сына и по умерщвлении удов раждает Предтечу.
Слава Давшему неплодней по старости плод, старцу и пророку сына, готовяща Ему люди совершенны, Божественнаго Предтечу.
Богородичен: В Тя вселився, Иже в недрех сый Отеческих родися без страсти и тли и приведе нас за милосердие Отцу и Божественному Духу.
Светилен
Предтечево днесь радостотворное рождение сетование решит отча безгласия и рождшия неплодство, возвещает же настоящую радость и веселие. Темже и вся тварь светло тое празднует.
АКАФИСТ СВЯТОМУ СЛАВНОМУ ПРОРОКУ, ПРЕДТЕЧЕ И КРЕСТИТЕЛЮ ГОСПОДНЮ ИОАННУ
Кондак 1
Избра́нный от лет дре́вних быти Предте́чею и Крести́телем Спаси́теля ми́ра Христа́ Бо́га, Иоа́нне богохва́льне, прославля́юще просла́вльшаго тя Го́спода, похва́льная воспису́ем ти, я́ко бо́льшему всех рожде́нных жена́ми, во пло́ти А́нгелу, покая́ния пропове́днику; ты же, я́ко име́яй ве́лие дерзнове́ние ко Го́споду, от вся́ких бед свобожда́й и к покаянию воздвиза́й нас, любо́вию тебе́ зову́щих:
Ра́дуйся, вели́кий Иоа́нне, Проро́че, Предте́че и Крести́телю Госпо́день.
Икос 1
Арха́нгел Гаврии́л, предстоя́й пред Бо́гом, по́слан бысть ко иере́ю Заха́рии, егда́ той, служа́ по чи́ну чреды́ своея́, вни́де покади́ти в це́рковь Госпо́дню; и, предста́в одесну́ю олтаря́ кади́льнаго, благовествова́ше о твое́м рождестве́, вели́кий Иоа́нне, возвеща́я Заха́рии ра́дость и весе́лие, и я́ко мно́зи о рождестве́ твое́м возра́дуются. Сего́ ра́ди и мы, ди́вному о тебе́ Бо́жию благоволе́нию чудя́щеся и ра́дующеся, со благогове́нием в похвалу́ тебе́ вопие́м:
Ра́дуйся, Сове́та Бо́жия неизрече́ннаго таи́нниче; ра́дуйся, ди́внаго смотре́ния Его́ исполне́ние.
Ра́дуйся, пре́жде лет мно́гих проро́чеством Иса́ии проявле́нный; ра́дуйся, ве́стниче пред лице́м Госпо́дним, дре́вле прорече́нный.
Ра́дуйся, предназна́ченный быти вели́ким проро́ком Вы́шняго; ра́дуйся, по обетова́нию А́нгела рожде́нный.
Ра́дуйся, еще́ во чре́ве ма́тере твоея́ Ду́ха Свята́го испо́лненный; ра́дуйся, пре́жде рождества́ твоего́ на вели́кое служе́ние освяще́нный.
Ра́дуйся, непло́дства роди́телей разреше́ние; ра́дуйся, иере́я Бо́жия ра́дость и весе́лие.
Ра́дуйся, дще́ре Ааро́новы прозябе́ние; ра́дуйся, плод моли́твы Богодарова́нный.
Ра́дуйся, вели́кий Иоа́нне, Проро́че, Предте́че и Крести́телю Госпо́день.
Кондак 2
Ви́дя Заха́рия я́вльшагося ему́ А́нгела, смути́ся, и страх нападе́ нань, и не ве́рова словесе́м благове́стия его́ о рождестве́ твое́м; егда́ же за неве́рие немото́ю свя́зан бысть, удивля́шеся пресла́вному чудеси́, всем се́рдцем вопия́ Бо́гу: Аллилу́иа.
Икос 2
Ра́зум неуразумева́емый разуме́ти и́щуще лю́дие, жду́ще Заха́рию, и чудя́хуся, уме́длившу ему́ в це́ркви; изше́дшу же ему́ и не могу́щу глаго́лати к ним, но то́кмо помава́ющу, разуме́ша вси, я́ко ви́дение ви́де в це́ркви. Мы же, прославля́юще ди́внаго Творца́ чуде́с, Бо́га, вопие́м тебе́ такова́я:
Ра́дуйся, благи́й вино́вниче безгла́сия о́тча; ра́дуйся, слез ма́тере твоея́ премене́ние на ра́дость.
Ра́дуйся, тоя́ поноше́ния в лю́дех отъя́тие; ра́дуйся, вели́кое ро́ждшим тя утеше́ние.
Ра́дуйся, я́ко в шесты́й ме́сяц о зача́тии твое́м Пресвята́я Де́ва Мари́я в Назаре́те от А́нгела извести́ся; ра́дуйся, я́ко о рождестве́ твое́м мно́зи возвесели́шася.
Ра́дуйся, я́ко и́мя благода́тное, от А́нгела нарече́нное, получи́вый; ра́дуйся, я́ко и́менем твои́м немотствова́ние отца́ твоего́ Заха́рии разреши́ся.
Ра́дуйся, я́ко и́мя Бо́жие о тебе́ отце́м твои́м благослови́ся; ра́дуйся, я́ко о чу́днем рождестве́ твое́м страх и удивле́ние в о́крест живу́щих яви́ся.
Ра́дуйся, я́ко по всей стране́ Иуде́йстей о ди́внем рождестве́ твое́м возвести́ся; ра́дуйся, я́ко тобо́ю спасе́ние мно́гим в ми́ре сем яви́ся.
Ра́дуйся, вели́кий Иоа́нне, Проро́че, Предте́че и Крести́телю Госпо́день.
Кондак 3
Си́ла Вы́шняго разреши́ непло́дство заматоре́вшия во днех свои́х пра́ведныя Елисаве́ты: зача́т бо тя, сла́вный Предте́че Госпо́день, и тая́шеся ме́сяц пять, глаго́лющи: я́ко та́ко мне сотвори́ Госпо́дь во дни, в ня́же призре́ отъя́ти поноше́ние мое́ в челове́цех. Егда́ же прия́ Иму́щую во чре́ве Христа́, испо́лнися Ду́ха Свя́та и возопи́ гла́сом ве́лиим: «Отку́ду мне сие́, я́ко прии́де Ма́ти Го́спода моего́ ко мне!» С Не́юже ра́дующися, взыва́ше Бо́гу: Аллилу́иа.
Икос 3
Име́яй предыти́ пред Го́сподем ду́хом и си́лою Илиино́ю, еще́ из чре́ва ма́тере твоея́ испо́лнился еси́ Ду́ха Свята́го, отону́дуже и Проро́к ди́вный показа́лся еси́, егда́ во утро́бе ма́тере твоея́ сый, взыгра́лся еси́ ра́дощами прише́ствию Матери Госпо́дней. Бо́га бо позна́л еси́ носи́ма в ложесна́х Благода́тныя и Того́ ма́терним гла́сом пропове́дал еси́: подоба́ше бо Боже́ственных веще́й пресла́вным быти нача́лом. Сему́ у́бо благогове́йно удивля́ющеся, с ра́достию тебе́ вопие́м:
Ра́дуйся, еще́ во утро́бе ма́терней предпосла́вшаго тя Го́спода чу́дным весе́лием предъяви́вый; ра́дуйся, я́ко тебе́ ра́ди и матери твое́й Елисаве́те воплоще́ние Христо́во откры́ся.
Ра́дуйся, я́ко и та испо́лнися Ду́ха Свя́та; ра́дуйся, я́ко и она́ преди́вная проро́чица яви́ся.
Ра́дуйся, я́ко от нея́ Пресвята́я Де́ва Мари́я Блаже́нною в жена́х нарече́ся; ра́дуйся, я́ко то́ю Она́ и Ма́терию Го́спода наименова́ся.
Ра́дуйся, я́ко и безсе́менный плод Тоя́ Благослове́нным пронарече́ся; ра́дуйся, Прему́дросте Боже́ственныя предъявле́ние.
Ра́дуйся, свята́го супру́жества благослове́ние; ра́дуйся, непло́дных ложе́сн ди́вное прозябе́ние.
Ра́дуйся, рожде́нием твои́м удиви́вый лю́ди; ра́дуйся, све́тлый Сло́ва гла́се.
Ра́дуйся, вели́кий Иоа́нне, Проро́че, Предте́че и Крести́телю Госпо́день.
Кондак 4
Бу́рею сомне́ния смуще́нный, иере́й Заха́рия не можа́ше, по словеси́ а́нгельскому, проглаго́лати. Егда́ же по рождестве́ твое́м, Предте́че Госпо́день, написа́ благода́тное и́мя твое́, а́бие отверзо́шася уста́ и язы́к его́, и глаго́лаше, благословя́ Бо́га, и проро́чествова, глаго́ля: благослове́н Госпо́дь Бог Изра́илев, я́ко посети́ и сотвори́ избавле́ние лю́дем Свои́м, и ты, отроча́, Проро́к Вы́шняго нарече́шися, поя́ Тому́: Аллилу́иа.
Икос 4
Слы́шаша о́крест живу́щии лю́дие о пресла́внем и чу́днем рождестве́ твое́м, со удивле́нием глаго́лаху в себе́: «Что у́бо отроча́ сие́ бу́дет?» Мы же тя, пресла́вный Предте́че Госпо́день, я́ко бо́льша всех рожде́нных жена́ми, досто́йно чту́ще, ублажа́ем си́це:
Ра́дуйся, от зача́тия твоего́ благода́тных явле́ний испо́лненный; ра́дуйся, в рождестве́ твое́м Бо́гом просла́вленный.
Ра́дуйся, во младе́нчестве твое́м от отца́ твоего́ Проро́ком Вы́шняго нарече́нный; ра́дуйся, во о́трочестве твое́м Ду́хом Святы́м просвеще́нный и укрепле́нный.
Ра́дуйся, Бо́га воплоти́вшагося сро́дник по пло́ти бы́вый; ра́дуйся, от Бо́га высо́кое зва́ние Предте́чи и Крести́теля прие́мый.
Ра́дуйся, заре́, Свет но́вый ми́ру возвести́вшая; ра́дуйся, звездо́, путь, веду́щий ко Христу́, освети́вшая.
Ра́дуйся, денни́це Со́лнца незаходи́маго; ра́дуйся, свети́льниче Све́та неугаса́емаго.
Ра́дуйся, путь гряду́щему Христу́ уготовля́яй; ра́дуйся, А́нгела и челове́ка в себе́ явля́яй.
Ра́дуйся, вели́кий Иоа́нне, Проро́че, Предте́че и Крести́телю Госпо́день.
Кондак 5
Богопроти́вное веле́ние беззако́ннаго детоуби́йцы И́рода изгна́ тя из до́му о́тча в непрохо́дную пусты́ню, носи́ма ма́терию, Предте́че Госпо́день, иде́же и пребыва́л еси́ до дне явле́ния твоего́ ко Изра́илю, яды́й акри́ды и мед ди́вий и Бо́гу вопия́: Аллилу́иа.
Икос 5
Ви́дяще ди́вное Бо́жие о тебе́ промышле́ние, Иоа́нне богохва́льне, я́ко от младе́нческих пеле́н по́стническаго жития́ люби́тель показа́лся еси́, отону́дуже во́лею Вы́шняго по́слан был еси́ пропове́дати лю́дем гряду́щее во Христе́ спасе́ние, сего́ ра́ди со удивле́нием и любо́вию тебе́ взыва́ем:
Ра́дуйся, я́ко, еще́ младе́нец сый, царя́ И́рода устраши́л еси́; ра́дуйся, от напра́снаго убие́ния тем десни́цею Вы́шняго сохране́нный.
Ра́дуйся, пусты́ни шипо́к благово́нный; ра́дуйся, высото́ю подвиго́в твои́х всех удиви́вый.
Ра́дуйся, пра́ваго пути́ ве́рный указа́телю; ра́дуйся, чистоты́ и целому́дрия преди́вный храни́телю.
Ра́дуйся, ева́нгельскаго самоотверже́ния о́бразе соверше́нный; ра́дуйся, мона́шествующих покро́ве и утвержде́ние.
Ра́дуйся, богосло́вствующих умо́в просвеще́ние; ра́дуйся, гре́шным милосе́рдия Бо́жия две́ри отверза́яй.
Ра́дуйся, ка́ющимся гре́шником от Го́спода проще́ние подава́яй; ра́дуйся, плоды́ досто́йны покая́ния твори́ти помога́яй.
Ра́дуйся, вели́кий Иоа́нне, Проро́че, Предте́че и Крести́телю Госпо́день.
Кондак 6
Пропове́дник сла́вный ты, боже́ственный Предте́че, показа́лся еси́ в пусты́ни Иорда́нстей во дни явле́ния Христа́ Бо́га ми́ру. Сего́ бо, Гряду́щаго к тебе́, показа́л еси́ лю́дем, глаго́ля: «Се, А́гнец Бо́жий, взе́мляй грехи́ ми́ра!»; Его́же мы ве́рою позна́вше, пое́м Ему́: Аллилу́иа.
Икос 6
Возсия́л еси́ свет и́стины, Иоа́нне богопросвеще́нне, всем явля́яй Сла́вы О́тчия сия́ние, я́вльшееся пло́тски нас ра́ди. Вопия́л бо еси́ в пусты́ни лю́дем: «Пока́йтеся, прибли́жи бо ся Ца́рствие Небе́сное: сотвори́те плоды́ досто́йны покая́ния. Се бо гряде́т по мне, И́же крести́т вы водо́ю и Ду́хом». Сего́ ра́ди похва́льная тебе́ вопие́м:
Ра́дуйся, прише́ствия Месси́и возвести́телю; ра́дуйся, путе́й Госпо́дних угото́вателю.
Ра́дуйся, ве́тхия и но́выя благода́ти хода́таю; ра́дуйся, проро́ков преде́ле и нача́ло Апо́столов.
Ра́дуйся, гла́се Сло́ва благознамени́тый; ра́дуйся, покая́ния пропове́дниче велегла́сный.
Ра́дуйся, мно́гих сыно́в Изра́илевых ко Го́споду обрати́вый; ра́дуйся, лю́ди соверше́нны Го́сподеви угото́вавый.
Ра́дуйся, фарисе́ев и саддуке́ев дерзнове́нно обличи́вый; ра́дуйся, плоды́ досто́йны покая́ния твори́ти научи́вый.
Ра́дуйся, просвеще́ния духо́внаго указа́телю; ра́дуйся, и́щущым предста́тельства твоего́ неусы́пный засту́пниче.
Ра́дуйся, вели́кий Иоа́нне, Проро́че, Предте́че и Крести́телю Госпо́день.
Кондак 7
Хотя́щу от тебе́ крести́тися Го́споду Иису́су, Иоа́нне богоблаже́нне, глаго́лал еси́: «Аз тре́бую Тобо́ю крести́тися», оба́че повину́яся, ре́кшу Тому́: «Оста́ви ны́не», воздви́гл еси́ десни́цу твою́ на главу́ Его́ и, крести́в не тре́бующаго очище́ния, вопия́л еси́: Аллилу́иа.
Икос 7
Но́вую подая́ благода́ть крести́тися изво́ливый от тебе́ Госпо́дь, сподо́би тя Ду́ха прише́ствие ви́дети и глас О́тческий с Небесе́, свиде́тельствующий Его́ Сыновство́, слы́шати. Отону́дуже в Трие́х Ли́цех Еди́ному Бо́гу покланя́тися нас научи́л еси́. Его́же бре́нными прославля́юще устна́ми, в похвалу́ сия́ тебе́ прино́сим:
Ра́дуйся, Тро́ическаго Богоявле́ния пе́рвый пропове́дниче; ра́дуйся, в Трие́х Ли́цех Еди́наго Бо́га и́стинный покло́нниче.
Ра́дуйся, Ду́ха Свята́го в ви́де голуби́не яснозри́телю; ра́дуйся, снисхожде́ния Его́ от Отца́ на Сы́на свиде́телю.
Ра́дуйся, гла́са с Небесе́ от Бо́га Отца́ слы́шателю; ра́дуйся, явле́ния любве́ О́тчи к Сы́ну созерца́телю.
Ра́дуйся, Сы́на Бо́жия избра́нный Крести́телю; ра́дуйся, во́ли Его́ святы́я исполни́телю.
Ра́дуйся, сла́внаго служе́ния спасе́нию ро́да челове́ческаго ре́вностный рачи́телю; ра́дуйся, вели́каго Та́инства Креще́ния пе́рвый соверши́телю.
Ра́дуйся, Боже́ственныя ра́дости ве́стниче; ра́дуйся, Но́ваго Заве́та пе́рвый учи́телю.
Ра́дуйся, вели́кий Иоа́нне, Проро́че, Предте́че и Крести́телю Госпо́день.
Кондак 8
Стра́нное и неизрече́нное смире́ние воплоти́вшагося Бо́га Сло́ва ви́дев, богоблаже́нне Крести́телю, Боже́ственную Свою́ главу́ приклони́вша и ра́бское креще́ние прие́мша, ты и сам весь испо́лнился еси́ вели́каго смире́ния. Испроси́ у́бо боголюбе́зную доброде́тель сию́ и нам, одержи́мым го́рдостию, я́ко да от сердца́ смире́нна вопие́м Ему́: Аллилу́иа.
Икос 8
Весь благода́тных дарова́ний испо́лненный, тече́ние вре́менныя жи́зни скончава́я, Иоа́нне богознамени́те, всех поуча́л еси́ исполне́нием Зако́на и покая́нием благоугожда́ти Го́сподеви. Сего́ ра́ди благода́рственное хвале́ние тебе́, вели́кому учи́телю и́стины, воспева́ем:
Ра́дуйся, Зако́на и оправда́ний Госпо́дних насади́телю; ра́дуйся, И́родова беззако́ния обличи́телю.
Ра́дуйся, о испра́влении того́ рачи́телю; ра́дуйся, пра́вды ра́ди темни́чное заключе́ние и у́зы претерпе́вый.
Ра́дуйся, за и́стину во главу́ усече́нный; ра́дуйся, я́ко те́ло твое́ от ученико́в твои́х че́стне погребе́ся.
Ра́дуйся, я́ко Бо́жиим смотре́нием глава́ твоя́ нетле́нна соблюде́ся; ра́дуйся, я́ко та на утеше́ние, освяще́ние и цельбы́ христиа́ном дадеся.
Ра́дуйся, я́ко и десни́це твое́й, крести́вшей Го́спода, ве́рнии благоче́стне покланя́ются; ра́дуйся, я́ко от тебе́ мно́гая чудеса́ те́ми доны́не соверша́ются.
Ра́дуйся, я́ко тобо́ю ве́рнии от страсте́й безче́стия избавля́ются; ра́дуйся, я́ко тобо́ю гре́шнии к покаянию воздвиза́ются.
Ра́дуйся, вели́кий Иоа́нне, Проро́че, Предте́че и Крести́телю Госпо́день.
Кондак 9
Все естество́ а́нгельское удиви́ся высоте́ служе́ния твоего́, и Це́рковь благогове́йно прославля́ет тя, я́ко дру́га Христа́ Бо́га, предше́дшаго пред Ним ду́хом и си́лою Илиино́ю. Ревну́я бо по и́стине, дерзнове́нно облича́л еси́ фарисе́ев и беззако́ннаго И́рода, от него́ же и му́ченическую кончи́ну прия́л еси́. Покланя́ющеся у́бо честне́й главе́ твое́й, мо́лимся ти: изба́ви нас от страсте́й безче́стия, да чи́стым се́рдцем и усты́ пое́м: Аллилу́иа.
Икос 9
Вити́йство вся́кое земноро́дных не довле́ет досто́йно восхвали́ти тя, Иоа́нне богохва́льне: тебе́ бо уста́ Христо́вы похвали́ша, вы́сша проро́ков и бо́льша всех рожде́нных жена́ми тя наименова́ша. Отону́дуже досто́йную похвалу́ принести́ тебе́ недоумева́юще, вопие́м ти сицева́я:
Ра́дуйся, Це́ркве Христо́вы вели́кая сла́во; ра́дуйся, А́нгелов преди́вное чу́до.
Ра́дуйся, пра́отцев ра́дость и прославле́ние; ра́дуйся, проро́ков высо́кая похвало́.
Ра́дуйся, Апо́столов богосве́тлый ве́нче; ра́дуйся, святи́телей велеле́пая красото́.
Ра́дуйся, му́чеников в но́вой благода́ти нача́ло; ра́дуйся, преподо́бных соверше́ние.
Ра́дуйся, пра́ведных удобре́ние; ра́дуйся, де́вственников и по́стников основа́ние.
Ра́дуйся, всех христиа́н вели́кое утеше́ние; ра́дуйся, я́ко от всех христиа́нских родо́в и́мя твое́ прославля́ется.
Ра́дуйся, вели́кий Иоа́нне, Проро́че, Предте́че и Крести́телю Госпо́день.
Кондак 10
Спасти́ мир прише́дшаго во пло́ти Христа́ Бо́га благовести́л еси́ и су́щим во а́де: я́коже бо денни́ца, предходя́щая со́лнцу, освети́л еси́ во тьме и се́ни сме́ртней седя́щих. Отону́дуже вско́ре Го́сподем изведе́н был еси́ со все́ми от ве́ка пра́ведными, поя́ Ему́, я́ко Изба́вителю и Победи́телю сме́рти: Аллилу́иа.
Икос 10
Стена́ и прибе́жище спаси́тельное всем, моли́твенно к тебе́ притека́ющим, боже́ственный Иоа́нне: сего́ ра́ди пе́сньми похва́льными ублажа́ем тя си́це:
Ра́дуйся, мо́щный засту́пниче наш и ве́рный от бед храни́телю; ра́дуйся, злостра́ждущих от духо́в зло́бы ско́рый помо́щниче и изба́вителю.
Ра́дуйся, непло́дствующим благослове́ние от Бо́га низпосыла́яй; ра́дуйся, притека́ющих к тебе́ с ве́рою от треволне́ния страсте́й избавля́яй.
Ра́дуйся, во вражде́ су́щих ско́ро умиротворя́яй; ра́дуйся, во вся́кой нужде́ и печа́ли усе́рдно притека́ющим к тебе́ ско́рую по́мощь подава́яй.
Ра́дуйся, благотеку́щих от самообольще́ния и пре́лести изыма́яй; ра́дуйся, вруча́ющим себе́ твоему́ хода́тайству в час сме́ртный помога́яй.
Ра́дуйся, лю́бящих тя от воздушных мыта́рств предста́тельством твои́м свобожда́яй; ра́дуйся, почита́ющих сла́вную па́мять твою́ ве́чныя жи́зни моли́твами твои́ми сподобля́яй.
Ра́дуйся, ни́щих и вдови́ц и сиро́т заступле́ние; ра́дуйся, по Бо́зе и Богоро́дице христиа́ном прибе́жище и упова́ние.
Ра́дуйся, вели́кий Иоа́нне, Проро́че, Предте́че и Крести́телю Госпо́день.
Кондак 11
Пе́ние вся́кое не довле́ет по достоя́нию до́блестей твои́х восхвали́ти тя, Крести́телю Госпо́день; но мы, любо́вию пону́ждени, дерза́ем воспева́ти вели́чия твоя́, е́же ми́лостивно приими́ от нас, первостоя́телю у Престо́ла Пресвяты́я Тро́ицы, и моли́ свободи́тися нам от вся́кия скве́рны грехо́вныя, да чи́стым се́рдцем и устна́ми пое́м Бо́гу: Аллилу́иа.
Икос 11
Свети́льника Све́та непристу́пнаго и всесве́тлых благода́тных дарова́ний всего́ испо́лнена тя, Иоа́нне богопросвеще́нне, ве́дуще, ра́достно прино́сим ти такова́я:
Ра́дуйся, самови́дче озари́вшаго тя свы́ше Боже́ственнаго Све́та; ра́дуйся, све́том доброде́телей твои́х просла́вивый Бо́га.
Ра́дуйся, Пресвяты́я Тро́ицы велеле́пую сла́ву яви́вый; ра́дуйся, пра́вый и ди́вный путь к Небеси́ показа́вый.
Ра́дуйся, и су́щим во а́де Бо́га, я́вльшагося во пло́ти, благовести́телю; ра́дуйся, душ пра́ведных, от ве́ка в преиспо́дней держи́мых, возвесели́телю.
Ра́дуйся, Влады́ки Христа́ Бо́га дру́же и́скренний; ра́дуйся, яви́вый ми́ру Свет и́стинный.
Ра́дуйся, светоза́рное све́та ева́нгельскаго сия́ние; ра́дуйся, ро́да христиа́нскаго прославле́ние.
Ра́дуйся, Сове́та Бо́жия исполне́ние; ра́дуйся, я́ко от восто́к со́лнца да́же до за́пад хва́льно и́мя твое́.
Ра́дуйся, вели́кий Иоа́нне, Проро́че, Предте́че и Крести́телю Госпо́день.
Кондак 12
Благода́ти тезоимени́тый, Крести́телю Госпо́день, и то́ю обогати́вся, победоно́сец пресла́вный показа́лся еси́: победи́л бо еси́ враги́ и вся́кую зло́бу, и вели́кое служе́ние твое́ му́ченическим по́двигом запечатле́л еси́. Ны́не же, предстоя́ Престо́лу Царя́ ца́рствующих, моли́ Его́ дарова́ти ве́рным побе́ды на враги́ и во всем благопоспеше́ние, в доброде́телех же благода́тное укрепле́ние, пою́щым Ему́: Аллилу́иа.
Икос 12
Пою́ще Бо́га, ди́вно в тебе́ просла́вльшагося, хва́лим тя, богоблаже́нне Крести́телю, я́ко и́скренняго дру́га Христо́ва, прославляем вели́кия по́двиги твоя́, ублажа́ем му́ченическую кончи́ну твою́ и сицева́я ра́достно вопие́м ти:
Ра́дуйся, вселе́нский Апо́столе и Но́ваго Заве́та первому́чениче; ра́дуйся, явле́нием Христа́ на земли́ откры́вшагося Ца́рствия Небе́снаго пе́рвый пропове́дниче.
Ра́дуйся, язы́ков Боже́ственное призва́ние предвозвести́вый; ра́дуйся, безве́стная и та́йная прему́дрости Бо́жия ми́ру яви́вый.
Ра́дуйся, боже́ственными дея́нии плодоно́сен па́че ины́х яви́выйся; ра́дуйся, я́ко све́том дел твои́х просла́вися Оте́ц Небе́сный.
Ра́дуйся, я́ко в па́мяти твое́й Це́рковь Христо́ву весели́ши неизрече́нно; ра́дуйся, я́ко ны́не ве́чнаго наслажда́ешися весе́лия изоби́льно.
Ра́дуйся, боже́ственными луча́ми Трисо́лнечнаго Све́та осиява́емый; ра́дуйся, я́ко со безпло́тными Трисвяту́ю песнь Бо́гу немо́лчно вопие́ши.
Ра́дуйся, я́ко ны́не, зерца́лом разре́шшимся, несре́дственне зри́ши Святу́ю Тро́ицу.
Ра́дуйся, вели́кий Иоа́нне, Проро́че, Предте́че и Крести́телю Госпо́день.
Кондак 13
О, вели́кий и пресла́вный Предте́че и Крести́телю Госпо́день Иоа́нне, приими́ от нас ны́не приноси́мое тебе́ моле́ние и твои́ми богоприя́тными к Бо́гу моли́твами изба́ви нас от вся́каго зла, и ве́чныя изми́ му́ки, и наследниками Ца́рствия Небе́снаго соде́лай, да во ве́ки пое́м Бо́гу: Аллилу́иа.
Этот кондак читается трижды, зате́м 1-й икос «Арха́нгел Гаврии́л…» и 1-й кондак «Избра́нный от лет…».
Молитва
Крести́телю Христо́в, пропове́дниче покая́ния, ка́ющагося не пре́зри мене́, но, совокупля́яся с во́и Небе́сными, моли́ся ко Влады́це за мене́, недосто́йнаго, уны́лаго, немощна́го и печа́льнаго, во мно́гия беды́ впа́дшаго, утружде́ннаго бу́рными по́мыслы ума́ моего́. Аз бо есмь верте́п злых дел, отню́д не име́яй конца́ грехо́вному обы́чаю: пригвожде́н бо есть ум мой земны́м веще́м. Что сотворю́, не вем, и к кому́ прибе́гну, да спасе́на бу́дет душа́ моя́, то́кмо к тебе́, святы́й Иоа́нне, благода́ти тезоимени́те, я́ко тя пред Го́сподем, по Богоро́дице, вем бо́льша быти рожде́нных всех: ты бо сподо́бился еси́ косну́тися верху́ Царя́ Христа́, взе́млющаго грехи́ ми́ра, А́гнца Бо́жия. Его́же моли́ за гре́шную мою́ ду́шу, да поне́ отны́не, в первыйна́десять час, понесу́ тяготу́ благу́ю и прииму́ мзду с после́дними. Ей, Крести́телю Христо́в, честны́й Предте́че, кра́йний проро́че, пе́рвый во благода́ти мучениче, по́стников и пусты́нников наста́вниче, чистоты́ учи́телю и бли́жний дру́же Христо́в, тя молю́, к тебе́ прибега́ю, не отри́ни мене́ от твоего́ заступле́ния, но возста́ви мя, па́дшагося мно́гими грехи́: обнови́ ду́шу мою́ покая́нием, я́ко вторы́м креще́нием, поне́же обоего́ нача́льник еси́: креще́нием омыва́яй грех, покая́ние же пропове́дуяй во очище́ние кого́ждо дел скве́рных: очи́сти у́бо мя, грехми́ оскверне́ннаго и пону́ди вни́ти, а́може ничто́же скве́рно вхо́дит в Ца́рствие Небе́сное. Ами́нь.